|
| ﴿1﴾ سَأَلَ سَائِلٌ بِعَذَابٍ وَاقِعٍ |
| އެދޭމީހަކު (ފުރައްސާރައިގެގޮތުން) ޢަޛާބަކަށްއެދި ގޮވިއެވެ. (އެއީ) ކާފިރުންނަށްޖެހޭނޭ ޢަޛާބެކެވެ. އުޑުތަކުގެ ވެރި ﷲގެ ޙަޟްރަތުން އަންނަ ޢަޛާބު ދުރުކޮށްދޭނޭ ހަމައެކަކުވެސް ނުވެތެވެ. |
| ﴿2﴾ لِّلْكَافِرِينَ لَيْسَ لَهُ دَافِعٌ |
| އެދޭމީހަކު (ފުރައްސާރައިގެގޮތުން) ޢަޛާބަކަށްއެދި ގޮވިއެވެ. (އެއީ) ކާފިރުންނަށްޖެހޭނޭ ޢަޛާބެކެވެ. އުޑުތަކުގެ ވެރި ﷲގެ ޙަޟްރަތުން އަންނަ ޢަޛާބު ދުރުކޮށްދޭނޭ ހަމައެކަކުވެސް ނުވެތެވެ. |
| ﴿3﴾ مِّنَ اللَّهِ ذِي الْمَعَارِجِ |
| އެދޭމީހަކު (ފުރައްސާރައިގެގޮތުން) ޢަޛާބަކަށްއެދި ގޮވިއެވެ. (އެއީ) ކާފިރުންނަށްޖެހޭނޭ ޢަޛާބެކެވެ. އުޑުތަކުގެ ވެރި ﷲގެ ޙަޟްރަތުން އަންނަ ޢަޛާބު ދުރުކޮށްދޭނޭ ހަމައެކަކުވެސް ނުވެތެވެ. |
| ﴿4﴾ تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ |
| ފަންސާސްހާސް އަހަރުގެ މިންވަރުގެ ދުވަހެއްގައި، މަލާއިކަތުންނާއި، ޖިބްރީލުގެފާނު، އެކަލާނގެ ޙަޟްރަތަށް އަރާވަޑައިގަންނަވާނެތެވެ. |
| ﴿5﴾ فَاصْبِرْ صَبْرًا جَمِيلًا |
| ފަހެ، ކަލޭގެފާނު ރިވެތިވެގެންވާ ކެތްކުރެއްވުމަކުން ކެތްކުރައްވާށެވެ! |
| ﴿6﴾ إِنَّهُمْ يَرَوْنَهُ بَعِيدًا |
| ހަމަކަށަވަރުން، އެއުރެން އެދުވަސް ދެކެނީ، ދުރުވެގެންވާ ކަމަށެވެ. |
| ﴿7﴾ وَنَرَاهُ قَرِيبًا |
| އަދި ތިމަންރަސްކަލާނގެ ދެކެވޮޑިގަންނަވަނީ، އެދުވަސް ގާތްކަމުގައެވެ. |
| ﴿8﴾ يَوْمَ تَكُونُ السَّمَاءُ كَالْمُهْلِ |
| ތެޔޮކުނޑިތަކެއް ފަދައިން އުޑު، ވާނޭދުވަހުއެވެ. |
| ﴿9﴾ وَتَكُونُ الْجِبَالُ كَالْعِهْنِ |
| އަދި، ފިނދިފައިވާ ކެހެރިތަކެއް ފަދައިން ފަރުބަދަތައް ވާނޭދުވަހުއެވެ. |
| ﴿10﴾ وَلَا يَسْأَلُ حَمِيمٌ حَمِيمًا |
| އަދި، އެދުވަހުން ގާތް ރަޙްމަތްތެރިޔަކު، ރަޙްމަތްތެރިޔަކާމެދު ސުއާލެއް ނުކުރާނެތެވެ. |
| ﴿11﴾ يُبَصَّرُونَهُمْ ۚ يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ |
| އެއުރެން އެކަކު އަނެކަކަށް ފެންނާނެގޮތް މެދުވެރިކުރައްވާނެތެވެ. އެދުވަހުގެ ޢަޛާބުން ސަލާމަތްވުމަށް ކުށްވެރިޔާ އޭނާގެ ދަރިން، ފިދުޔައެއްގެ ގޮތުގައި ދެވޭނެނަމައޭ ހިތައި އެކަމަށް އެދޭނެތެވެ. |
| ﴿12﴾ وَصَاحِبَتِهِ وَأَخِيهِ |
| އަދި، އޭނާގެ އަނބިމީހާއާއި، އޭނާގެ އަޚު ވެސްމެއެވެ. |
| ﴿13﴾ وَفَصِيلَتِهِ الَّتِي تُؤْوِيهِ |
| އަދި، އޭނާޔަށް ހިޔާވަހިކަންދޭ، އޭނާގެ ގާތްތިމާގެ މީހުންވެސްމެއެވެ. |
| ﴿14﴾ وَمَن فِي الْأَرْضِ جَمِيعًا ثُمَّ يُنجِيهِ |
| އަދި، ބިމުގައިވާހާ އެންމެންވެސްމެއެވެ. ދެން، އެ ފިދުޔަ އޭނާ ސަލާމަތް ކުރޭތޯއެވެ. |
| ﴿15﴾ كَلَّا ۖ إِنَّهَا لَظَىٰ |
| ހަމަ ހިލާ އެހެންނަކުން ނުވާނެއެވެ. ހަމަކަށަވަރުން، އެ ނަރަކައީ އަނދައަނދާހުރި އަލިފާނެވެ. |
| ﴿16﴾ نَزَّاعَةً لِّلشَّوَىٰ |
| (އޭގެ ހޫނުން) ބޮލުގެ ހަން ނޮޅާ ޙާލުގައެވެ. |
| ﴿17﴾ تَدْعُو مَنْ أَدْبَرَ وَتَوَلَّىٰ |
| ފުރަގަސްދީ އެނބުރިދާ މީހާޔަށް އެ ނަރަކަ ގޮވާނެތެވެ. |
| ﴿18﴾ وَجَمَعَ فَأَوْعَىٰ |
| އަދި މުދާ އެއްކޮށް، ޚަޒާނާ ކުރާ މީހާޔަށްވެސްމެއެވެ. |
| ﴿19﴾ ۞ إِنَّ الْإِنسَانَ خُلِقَ هَلُوعًا |
| ހަމަކަށަވަރުން، އިންސާނާ ހައްދަވާފައިވަނީ، ކެތްތެރިކަންކުޑަ މީހެއްގެ ގޮތުގައެވެ. |
| ﴿20﴾ إِذَا مَسَّهُ الشَّرُّ جَزُوعًا |
| އެ އިންސާނާގައި ނުބައިކަމެއް ބީހިއްޖެނަމަ، ކެތްތެރިކަންކުޑަ މީހެއްގެ ގޮތުގައެވެ. |
| ﴿21﴾ وَإِذَا مَسَّهُ الْخَيْرُ مَنُوعًا |
| އަދި އޭނާގައި ހެޔޮކަމެއް ބީހިއްޖެނަމަ (އެބަހީ: ތަނަވަސްކަމެއް ލިބިއްޖެނަމަ، އެއިން ހޭދަކުރުމުން) މަނާވެގަންނަ މީހެއްގެ ގޮތުގައެވެ. |
| ﴿22﴾ إِلَّا الْمُصَلِّينَ |
| ނަމާދުކުރާ މީހުން މެނުވީއެވެ. |
| ﴿23﴾ الَّذِينَ هُمْ عَلَىٰ صَلَاتِهِمْ دَائِمُونَ |
| އެއުރެންނީ، އެއުރެންގެ ނަމާދުކުރުންމަތީ ދެމިތިބޭމީހުންނެވެ. |
| ﴿24﴾ وَالَّذِينَ فِي أَمْوَالِهِمْ حَقٌّ مَّعْلُومٌ |
| އަދި، އެއުރެންނީ، ސުއާލު ކޮށް، އެދޭމީހުންނަށާއި، ނިކަމެތި މަޙްރޫމުންނަށް، އެއުރެންގެ މުދަލުގައި ކަނޑައެޅިގެންވާ ޙައްޤެއްވާ މީހުންނެވެ. |
| ﴿25﴾ لِّلسَّائِلِ وَالْمَحْرُومِ |
| އަދި، އެއުރެންނީ، ސުއާލު ކޮށް، އެދޭމީހުންނަށާއި، ނިކަމެތި މަޙްރޫމުންނަށް، އެއުރެންގެ މުދަލުގައި ކަނޑައެޅިގެންވާ ޙައްޤެއްވާ މީހުންނެވެ. |
| ﴿26﴾ وَالَّذِينَ يُصَدِّقُونَ بِيَوْمِ الدِّينِ |
| އަދި، އެއުރެންނީ، ޤިޔާމަތް ދުވަހަށް އީމާންވެ، ތެދުކުރާ މީހުންނެވެ. |
| ﴿27﴾ وَالَّذِينَ هُم مِّنْ عَذَابِ رَبِّهِم مُّشْفِقُونَ |
| އަދި، އެއުރެންނީ، އެއުރެންގެ ވެރިރަސްކަލާނގެ ޢަޛާބަށް ބިރުވެތިވާ މީހުންނެވެ. |
| ﴿28﴾ إِنَّ عَذَابَ رَبِّهِمْ غَيْرُ مَأْمُونٍ |
| ހަމަކަށަވަރުން، އެއުރެންގެ ވެރިރަސްކަލާނގެ ޢަޛާބަކީ (އެކަލާނގެ އަމާން ކަންދެއްވިއްޔާމެނުވީ އެއިން) އަމާން ކަން ލިބިގެންނުވާ ޢަޛާބެކެވެ. |
| ﴿29﴾ وَالَّذِينَ هُمْ لِفُرُوجِهِمْ حَافِظُونَ |
| އަދި، އެއުރެންނީ، އެއުރެންގެ ފަރުޖުތަކަށް ރައްކާތެރިވާ މީހުންނެވެ. |
| ﴿30﴾ إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ |
| އެއުރެންގެ އަނބިންގެ މައްޗަށާއި، އެއުރެންނަށް މިލްކުވެގެންވާ އަޅުންގެ މައްޗަށް މެނުވީއެވެ. ފަހެ، ހަމަކަށަވަރުން، އެއުރެންނީ (އެކަމުގައި) މަލާމާތް ލިބިގެންނުވާ މީހުންނެވެ. |
| ﴿31﴾ فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ |
| ފަހެ، އެއިން ބޭރުގައިވާ ކަމަކަށް އެދިއްޖެމީހާ (ދަންނާށެވެ!) ފަހެ، އެއުރެންނީ (ހުއްދަވެގެންވާ ސަރަޙައްދު) ފަހަނަޅައިދާ މީހުންނެވެ. |
| ﴿32﴾ وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ |
| އަދި، އެއުރެންނީ، އެއުރެންގެ އަމާނަތްތަކަށާއި، އެއުރެންގެ ޢަހުދުތަކަށް ރައްކާތެރިވާ މީހުންނެވެ. |
| ﴿33﴾ وَالَّذِينَ هُم بِشَهَادَاتِهِمْ قَائِمُونَ |
| އެއުރެންނީ، އެއުރެންގެ ހެކިބަސް ފުރިހަމަޔަށް އަދާކުރާ މީހުންނެވެ. |
| ﴿34﴾ وَالَّذِينَ هُمْ عَلَىٰ صَلَاتِهِمْ يُحَافِظُونَ |
| އަދި، އެއުރެންނީ، އެއުރެންގެ ނަމާދުގެ މައްޗަށް ރައްކާތެރިވާ މީހުންނެވެ. |
| ﴿35﴾ أُولَٰئِكَ فِي جَنَّاتٍ مُّكْرَمُونَ |
| އެއުރެންވަނީ، ސުވަރުގެތަކެއްގައި މާތްކުރައްވާފައެވެ. |
| ﴿36﴾ فَمَالِ الَّذِينَ كَفَرُوا قِبَلَكَ مُهْطِعِينَ |
| ފަހެ، ކާފިރު ވިމީހުން (ކަލޭގެފާނުގެ) ކަނާތްފަރާތުގައްޔާއި، ވާތްފަރާތުގައި ބައިބަޔަށް (އިށީނދެ) ތިބެން ކަލޭގެފާނުގެ އަރިހަށް ދިޔުމަށް އަވަސްވެގަންނަނީ ކީއްވެހެއްޔެވެ؟ |
| ﴿37﴾ عَنِ الْيَمِينِ وَعَنِ الشِّمَالِ عِزِينَ |
| ފަހެ، ކާފިރު ވިމީހުން (ކަލޭގެފާނުގެ) ކަނާތްފަރާތުގައްޔާއި، ވާތްފަރާތުގައި ބައިބަޔަށް (އިށީނދެ) ތިބެން ކަލޭގެފާނުގެ އަރިހަށް ދިޔުމަށް އަވަސްވެގަންނަނީ ކީއްވެހެއްޔެވެ؟ |
| ﴿38﴾ أَيَطْمَعُ كُلُّ امْرِئٍ مِّنْهُمْ أَن يُدْخَلَ جَنَّةَ نَعِيمٍ |
| ނިޢުމަތުގެ ސުވަރުގެޔަށް ވެއްދެވުމަށް އެއިންކޮންމެ މީހަކު ދަހިވެތިވަނީ ހެއްޔެވެ؟ |
| ﴿39﴾ كَلَّا ۖ إِنَّا خَلَقْنَاهُم مِّمَّا يَعْلَمُونَ |
| ހަމަހިލާ އެހެންނަކުން ނުވާނެއެވެ. ހަމަކަށަވަރުން، ތިމަންރަސްކަލާނގެ އެއުރެން ހެއްދެވީ، އެއުރެން ދަންނަ އެއްޗަކުންނެވެ. |
| ﴿40﴾ فَلَا أُقْسِمُ بِرَبِّ الْمَشَارِقِ وَالْمَغَارِبِ إِنَّا لَقَادِرُونَ |
| ފަހެ، މަޝްރިޤުތަކާއި، މަޣްރިބުތަކުގެ ވެރިރަސްކަލާނގެ ގަންދެއްވައި ވަޙީ ކުރައްވަމެވެ. އެއުރެންގެ ބަދަލުގައި، އެއުރެންނަށްވުރެން ހެޔޮބަޔަކު ގެންނެވުމަށް ހަމަކަށަވަރުން، ތިމަންރަސްކަލާނގެ ކުޅަދުންވަންތަކަން ކަށަވަރެވެ. އަދި ތިމަންރަސްކަލާނގެ ނުކުޅެދިވޮޑިގެންވާ ކަލަކުކަމުގައި ނުވަމެވެ. |
| ﴿41﴾ عَلَىٰ أَن نُّبَدِّلَ خَيْرًا مِّنْهُمْ وَمَا نَحْنُ بِمَسْبُوقِينَ |
| ފަހެ، މަޝްރިޤުތަކާއި، މަޣްރިބުތަކުގެ ވެރިރަސްކަލާނގެ ގަންދެއްވައި ވަޙީ ކުރައްވަމެވެ. އެއުރެންގެ ބަދަލުގައި، އެއުރެންނަށްވުރެން ހެޔޮބަޔަކު ގެންނެވުމަށް ހަމަކަށަވަރުން، ތިމަންރަސްކަލާނގެ ކުޅަދުންވަންތަކަން ކަށަވަރެވެ. އަދި ތިމަންރަސްކަލާނގެ ނުކުޅެދިވޮޑިގެންވާ ކަލަކުކަމުގައި ނުވަމެވެ. |
| ﴿42﴾ فَذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ |
| ފަހެ، އެއުރެންނަށް ވަޢުދު ކުރައްވާ ދުވަހާ އެއުރެން ބައްދަލުވެއްޖައުމަށް ދާނދެން، ބާޠިލު ވާހަކަތައް ދައްކައި، ކުޅިވަރުކުޅެން ކަލޭގެފާނު އެއުރެން ދޫކޮށްލައްވާށެވެ! |
| ﴿43﴾ يَوْمَ يَخْرُجُونَ مِنَ الْأَجْدَاثِ سِرَاعًا كَأَنَّهُمْ إِلَىٰ نُصُبٍ يُوفِضُونَ |
| (އެއީ) ކަށްވަޅުތަކުން ނުކުމެގެން އެއުރެން އަވަސްއަވަހަށް ހިނގައިދާދުވަހެވެ. އެއުރެން އަޅުކަންކުރާ ބުދުތަކުގެ ކައިރިޔަށް އަވަސްއަވަހަށްދާ ފަދައިންނެވެ. |
| ﴿44﴾ خَاشِعَةً أَبْصَارُهُمْ تَرْهَقُهُمْ ذِلَّةٌ ۚ ذَٰلِكَ الْيَوْمُ الَّذِي كَانُوا يُوعَدُونَ |
| (އެއުރެން ތިބޭހުށީ) އެއުރެންގެ ލޯތައް ތިރިވެގެންވާ ޙާލު، އެއުރެންގެ މައްޗަށް ނިކަމެތިކަން ވެރިވެފައެވެ. އެއީ، އެއުރެންނަށް ވަޢުދު ކުރައްވާކަމުގައިވީ ދުވަހެވެ. |
|
