|
|
|
|
﴿١﴾ إِذَا الشَّمْسُ كُوِّرَتْ |
އިރުގެ އަލިކަން ފިލައި، ހިނގައިދާ ހިނދެވެ. |
|
﴿٢﴾ وَإِذَا النُّجُومُ انكَدَرَتْ |
އަދި ތަރިތަކުން އަލިކަން ފިލައި، ބުރަބުރައިގެންދާ ހިނދެވެ. |
|
﴿٣﴾ وَإِذَا الْجِبَالُ سُيِّرَتْ |
އަދި ފަރުބަދަތައް ލުހި، ފުނޑުފުނޑުވާ ހިނދެވެ. |
|
﴿٤﴾ وَإِذَا الْعِشَارُ عُطِّلَتْ |
އަދި މާބަނޑު ޖަމަލުތައް އަޅާނުލައި ދޫކޮށްލާ ހިނދެވެ. |
|
﴿٥﴾ وَإِذَا الْوُحُوشُ حُشِرَتْ |
އަދި ވަލު ޖަނަވާރުތައް (އެއްތަނަކަށް) އެއްކުރައްވާ ހިނދެވެ. |
|
﴿٦﴾ وَإِذَا الْبِحَارُ سُجِّرَتْ |
އަދި ކަނޑުތައް ރޯވެ، އަނދައިގަންނަ ހިނދެވެ. |
|
﴿٧﴾ وَإِذَا النُّفُوسُ زُوِّجَتْ |
އަދި ފުރާނަތައް، އޭގެ ހަށިތަކާ ގުޅިދާހިނދެވެ. |
|
﴿٨﴾ وَإِذَا الْمَوْءُودَةُ سُئِلَتْ |
އަދި ދިރިއޮއްވައި ވަޅުލި އަންހެން ދަރިޔާއާ ސުއާލު ކުރައްވާ ހިނދެވެ. |
|
﴿٩﴾ بِأَيِّ ذَنبٍ قُتِلَتْ |
އޭނާ މަރައިލީ ކޮން ކުށެއްގެ ސަބަބުން ހެއްޔެވެ؟ |
|
﴿١٠﴾ وَإِذَا الصُّحُفُ نُشِرَتْ |
އަދި ފަތްފުށްތައް ނިއުޅައިލައްވާ ހިނދެވެ. |
|
﴿١١﴾ وَإِذَا السَّمَاءُ كُشِطَتْ |
އަދި އުޑު ގެންދަވާ ހިނދެވެ. |
|
﴿١٢﴾ وَإِذَا الْجَحِيمُ سُعِّرَتْ |
އަދި ނަރަކަ ރޯކޮށްލައްވާ ހިނދެވެ. |
|
﴿١٣﴾ وَإِذَا الْجَنَّةُ أُزْلِفَتْ |
އަދި ސުވަރުގެ ގާތްކުރައްވާ ހިނދެވެ. |
|
﴿١٤﴾ عَلِمَتْ نَفْسٌ مَّا أَحْضَرَتْ |
ކޮންމެ ނަފްސަކަށްމެ، އެ ނަފްސެއް ޙާޟިރުކުޅަކަމެއް (އެހިނދު) އެނގޭނެތެވެ. |
|
﴿١٥﴾ فَلَا أُقْسِمُ بِالْخُنَّسِ |
ފަހެ، ރޭގަނޑަށް ފާޅުކަންބޮޑު، ދުވާލު ވަންހަނާވާ، ހިނގަހިނގާ ހުންނަ ތަރިތައް ގަންދެއްވަމެވެ. |
|
﴿١٦﴾ الْجَوَارِ الْكُنَّسِ |
ފަހެ، ރޭގަނޑަށް ފާޅުކަންބޮޑު، ދުވާލު ވަންހަނާވާ، ހިނގަހިނގާ ހުންނަ ތަރިތައް ގަންދެއްވަމެވެ. |
|
﴿١٧﴾ وَاللَّيْلِ إِذَا عَسْعَسَ |
އަދި ރޭގަނޑު އަނދިރިކަމާއިގެން ފަސްދީދާހިނދު، އެ ރޭގަނޑު ގަންދެއްވަމެވެ. |
|
﴿١٨﴾ وَالصُّبْحِ إِذَا تَنَفَّسَ |
އަދި ފަތިހުގެ އަލިކަން ފާޅުވާހިނދު، އެ ފަތިސް ގަންދެއްވަމެވެ. |
|
﴿١٩﴾ إِنَّهُ لَقَوْلُ رَسُولٍ كَرِيمٍ |
ހަމަކަށަވަރުން، އެއީ މާތްވެގެންވާ ރަސޫލަކު (އެބަހީ: ޖިބްރީލުގެފާނު) ގެންނެވި ބަސްފުޅުކަން ކަށަވަރެވެ. |
|
﴿٢٠﴾ ذِي قُوَّةٍ عِندَ ذِي الْعَرْشِ مَكِينٍ |
ޢަރްޝުގެ ވެރިރަސްކަލާނގެ ޙަޟްރަތުގައި ބާރެއްގެ ވެރި ދަރަޖަވެރިޔެކެވެ. |
|
﴿٢١﴾ مُّطَاعٍ ثَمَّ أَمِينٍ |
އެތާނގައި (އެބަހީ: އުޑުތަކުގައި) ކިޔަމަންވެވޭ އަމާނާތްތެރިޔެކެވެ. |
|
﴿٢٢﴾ وَمَا صَاحِبُكُم بِمَجْنُونٍ |
އަދި ތިޔަބައިމީހުންގެ އެކުވެރިޔާއީ (އެބަހީ: މުޙައްމަދުގެފާނީ) މޮޔައަކު ކަމުގައި ނުވެއެވެ. |
|
﴿٢٣﴾ وَلَقَدْ رَآهُ بِالْأُفُقِ الْمُبِينِ |
އަދި ހަމަކަށަވަރުން، އެކަލޭގެފާނު (އެބަހީ: މުޙައްމަދުގެފާނު) ފާޅުވެގެންވާ އުދަރެހުން އެކަލޭގެފާނު (އެބަހީ: ޖިބްރީލުގެފާނު) ދެކެވަޑައިގަތެވެ. |
|
﴿٢٤﴾ وَمَا هُوَ عَلَى الْغَيْبِ بِضَنِينٍ |
އަދި ޣައިބުގެ ކަންތައް ފޮރުވައި، ހިފަހައްޓަވާ ބޭކަލަކު ކަމުގައި އެކަލޭގެފާނު (އެބަހީ: މުޙައްމަދުގެފާނު) ނުވެއެވެ. |
|
﴿٢٥﴾ وَمَا هُوَ بِقَوْلِ شَيْطَانٍ رَّجِيمٍ |
އަދި ރަޙްމަތުން ބޭރުކުރައްވާފައިވާ ޝައިޠާނެއްގެ ބަސްކަމުގައިވެސް އެ ޤުރްއާން ނުވެއެވެ. |
|
﴿٢٦﴾ فَأَيْنَ تَذْهَبُونَ |
ފަހެ، ތިޔަބައިމީހުން ތިޔަދަނީ ކޮންތާކަށް ހެއްޔެވެ؟ |
|
﴿٢٧﴾ إِنْ هُوَ إِلَّا ذِكْرٌ لِّلْعَالَمِينَ |
ޢާލަމްތަކަށް ހަނދާންކޮށްދިނުމެއް ކަމުގައި މެނުވީ އެ ޤުރްއާން ނުވެއެވެ. |
|
﴿٢٨﴾ لِمَن شَاءَ مِنكُمْ أَن يَسْتَقِيمَ |
ތިޔަބައިމީހުންކުރެ ސީދާވެގަތުމަށް އެދޭ މީހަކަށްޓަކައެވެ. |
|
﴿٢٩﴾ وَمَا تَشَاءُونَ إِلَّا أَن يَشَاءَ اللَّهُ رَبُّ الْعَالَمِينَ |
ޢާލަމްތަކުގެ ވެރި ﷲ އިރާދަކުރެއްވުމުން މެނުވީ، ތިޔަބައިމީހުންނަކަށް (އެއްވެސް ކަމެއް) ނޭދެވޭނެތެވެ. |
|
މައި ސަފުހާ
ދިވެހިއެމްވީގެ ޤުރުއާން އެޕްލިކޭޝަން މިހާރު ޕްލޭސްޓޯރއިން ލިބެންއެބަހުރި
