×
އައްތަކްވީރް
ފަހަތަށް
التكوير ކުރިއަށް
﴿١﴾ إِذَا الشَّمْسُ كُوِّرَتْ
އިރުގެ އަލިކަން ފިލައި، ހިނގައިދާ ހިނދެވެ.
﴿٢﴾ وَإِذَا النُّجُومُ انكَدَرَتْ
އަދި ތަރިތަކުން އަލިކަން ފިލައި، ބުރަބުރައިގެންދާ ހިނދެވެ.
﴿٣﴾ وَإِذَا الْجِبَالُ سُيِّرَتْ
އަދި ފަރުބަދަތައް ލުހި، ފުނޑުފުނޑުވާ ހިނދެވެ.
﴿٤﴾ وَإِذَا الْعِشَارُ عُطِّلَتْ
އަދި މާބަނޑު ޖަމަލުތައް އަޅާނުލައި ދޫކޮށްލާ ހިނދެވެ.
﴿٥﴾ وَإِذَا الْوُحُوشُ حُشِرَتْ
އަދި ވަލު ޖަނަވާރުތައް (އެއްތަނަކަށް) އެއްކުރައްވާ ހިނދެވެ.
﴿٦﴾ وَإِذَا الْبِحَارُ سُجِّرَتْ
އަދި ކަނޑުތައް ރޯވެ، އަނދައިގަންނަ ހިނދެވެ.
﴿٧﴾ وَإِذَا النُّفُوسُ زُوِّجَتْ
އަދި ފުރާނަތައް، އޭގެ ހަށިތަކާ ގުޅިދާހިނދެވެ.
﴿٨﴾ وَإِذَا الْمَوْءُودَةُ سُئِلَتْ
އަދި ދިރިއޮއްވައި ވަޅުލި އަންހެން ދަރިޔާއާ سؤال ކުރައްވާ ހިނދެވެ.
﴿٩﴾ بِأَيِّ ذَنبٍ قُتِلَتْ
އޭނާ މަރައިލީ ކޮން ކުށެއްގެ ސަބަބުން ހެއްޔެވެ؟
﴿١٠﴾ وَإِذَا الصُّحُفُ نُشِرَتْ
އަދި ފަތްފުށްތައް ނިއުޅައިލައްވާ ހިނދެެވެ.
﴿١١﴾ وَإِذَا السَّمَاءُ كُشِطَتْ
އަދި އުޑު ގެންދަވާ ހިނދެވެ.
﴿١٢﴾ وَإِذَا الْجَحِيمُ سُعِّرَتْ
އަދި ނަރަކަ ރޯކޮށްލައްވާ ހިނދެވެ.
﴿١٣﴾ وَإِذَا الْجَنَّةُ أُزْلِفَتْ
އަދި ސުވަރުގެ ގާތްކުރައްވާ ހިނދެވެ.
﴿١٤﴾ عَلِمَتْ نَفْسٌ مَّا أَحْضَرَتْ
ކޮންމެ نفس އަކަށްމެ، އެ نفس އެއް حاضر ކުޅަކަމެއް (އެހިނދު) އެނގޭނެތެވެ.
﴿١٥﴾ فَلَا أُقْسِمُ بِالْخُنَّسِ
ކޮންމެ نفس އަކަށްމެ، އެ نفس އެއް حاضر ކުޅަކަމެއް (އެހިނދު) އެނގޭނެތެވެ.
﴿١٦﴾ الْجَوَارِ الْكُنَّسِ
ފަހެ، ރޭގަނޑަށް ފާޅުކަންބޮޑު، ދުވާލު ވަންހަނާވާ، ހިނގަހިނގާ ހުންނަ ތަރިތައް ގަންދެއްވަމެވެ.
﴿١٧﴾ وَاللَّيْلِ إِذَا عَسْعَسَ
އަދި ރޭގަނޑު އަނދިރިކަމާއިގެން ފަސްދީދާހިނދު، އެ ރޭގަނޑު ގަންދެއްވަމެވެ.
﴿١٨﴾ وَالصُّبْحِ إِذَا تَنَفَّسَ
އަދި ފަތިހުގެ އަލިކަން ފާޅުވާހިނދު، އެ ފަތިސް ގަންދެއްވަމެވެ.
﴿١٩﴾ إِنَّهُ لَقَوْلُ رَسُولٍ كَرِيمٍ
ހަމަކަށަވަރުން، އެއީ މާތްވެގެންވާ رسول އަކު (އެބަހީ: جبريل ގެފާނު) ގެންނެވި ބަސްފުޅުކަން ކަށަވަރެވެ.
﴿٢٠﴾ ذِي قُوَّةٍ عِندَ ذِي الْعَرْشِ مَكِينٍ
عرش ގެ ވެރިރަސްކަލާނގެ حضرة ގައި ބާރެއްގެ ވެރި ދަރަޖަވެރިޔެކެވެ.
﴿٢١﴾ مُّطَاعٍ ثَمَّ أَمِينٍ
އެތާނގައި (އެބަހީ: އުޑުތަކުގައި) ކިޔަމަންވެވޭ އަމާނާތްތެރިޔެކެވެ.
﴿٢٢﴾ وَمَا صَاحِبُكُم بِمَجْنُونٍ
އަދި ތިޔަބައިމީހުންގެ އެކުވެރިޔާއީ (އެބަހީ: محمد ގެފާނީ) މޮޔައަކު ކަމުގައި ނުވެއެވެ.
﴿٢٣﴾ وَلَقَدْ رَآهُ بِالْأُفُقِ الْمُبِينِ
އަދި ހަމަކަށަވަރުން، އެކަލޭގެފާނު (އެބަހީ: محمد ގެފާނު) ފާޅުވެގެންވާ އުދަރެހުން އެކަލޭގެފާނު (އެބަހީ: جبريل ގެފާނު) ދެކެވަޑައިގަތެވެ.
﴿٢٤﴾ وَمَا هُوَ عَلَى الْغَيْبِ بِضَنِينٍ
އަދި غيب ގެ ކަންތައް ފޮރުވައި، ހިފަހައްޓަވާ ބޭކަލަކު ކަމުގައި އެކަލޭގެފާނު (އެބަހީ: محمد ގެފާނު) ނުވެއެވެ.
﴿٢٥﴾ وَمَا هُوَ بِقَوْلِ شَيْطَانٍ رَّجِيمٍ
އަދި رحمة ން ބޭރުކުރައްވާފައިވާ شيطان އެއްގެ ބަސްކަމުގައިވެސް އެ قرآن ނުވެއެވެ.
﴿٢٦﴾ فَأَيْنَ تَذْهَبُونَ
ފަހެ، ތިޔަބައިމީހުން ތިޔަދަނީ ކޮންތާކަށް ހެއްޔެވެ؟
﴿٢٧﴾ إِنْ هُوَ إِلَّا ذِكْرٌ لِّلْعَالَمِينَ
عالم ތަކަށް ހަނދާންކޮށްދިނުމެއް ކަމުގައި މެނުވީ އެ قرآن ނުވެއެވެ.
﴿٢٨﴾ لِمَن شَاءَ مِنكُمْ أَن يَسْتَقِيمَ
ތިޔަބައިމީހުންކުރެ ސީދާވެގަތުމަށް އެދޭ މީހަކަށްޓަކައެވެ.
﴿٢٩﴾ وَمَا تَشَاءُونَ إِلَّا أَن يَشَاءَ اللَّهُ رَبُّ الْعَالَمِينَ
عالم ތަކުގެ ވެރި اللَّه އިރާދަކުރެއްވުމުން މެނުވީ، ތިޔަބައިމީހުންނަކަށް (އެއްވެސް ކަމެއް) ނޭދެވޭނެތެވެ.
ފަހަތަށް
ކުރިއަށް