×
ޤުރުއާން
ހޯމް ޕޭޖަށް
ހައްދަވާ		 ×

ޤުރުއާން
ކިޔެވުން: ސްޕީޑް:
﴿١﴾ وَالنَّازِعَاتِ غَرْقًا ގަދަފަދަވެގެންވާ ގޮތުގައި (ކާފިރުންގެ) ފުރާނަތައް ގެންދަވާ މަލާއިކަތުން ގަންދެއްވަމެވެ.
﴿٢﴾ وَالنَّاشِطَاتِ نَشْطًا އަދި އޯގާވެރިކަމާއި، ފަސޭހަކަމާއެކު (މުއުމިނުންގެ) ފުރާނަތައް ގެންދަވާ މަލާއިކަތުން ގަންދެއްވަމެވެ.
﴿٣﴾ وَالسَّابِحَاتِ سَبْحًا އަދި ކަލާނގެ އަމުރުފުޅުތަކާއިގެން ދަތުރުކުރައްވާ މަލާއިކަތުން ގަންދެއްވަމެވެ.
﴿٤﴾ فَالسَّابِقَاتِ سَبْقًا އަދި (މުއުމިނުންގެ) ފުރާނަތަކާއިގެން ކުރިއަރައިދާ މަލާއިކަތުންނާއިއެވެ.
﴿٥﴾ فَالْمُدَبِّرَاتِ أَمْرًا އަދި (ދުނިޔޭގެ) ކަންތައްތައް ތަދްބީރު ކުރެއްވުމުގައި އުޅުއްވާ މަލާއިކަތުންނާއިއެވެ.
﴿٦﴾ يَوْمَ تَرْجُفُ الرَّاجِفَةُ (ތާޅަފިލި ފުރަތަމަފަހަރު ފުންމަވައިލެއްވުމުން) ބިންގަނޑު ހެލިގެންދާ ދުވަހެވެ.
﴿٧﴾ تَتْبَعُهَا الرَّادِفَةُ އެއާ ވިދިގެން އޭގެފަހަތުން ދެވަނަ ފުންމެވުން ފުންމަވާ ދުވަހެވެ.
﴿٨﴾ قُلُوبٌ يَوْمَئِذٍ وَاجِفَةٌ އެދުވަހުން ބިރުގެންފައިވާ ހިތްތަކެއް ވެއެވެ.
﴿٩﴾ أَبْصَارُهَا خَاشِعَةٌ އެއުރެންގެ ލޯތައް ތިރިވެ ނިކަމެތިވެގެންވެއެވެ.
﴿١٠﴾ يَقُولُونَ أَإِنَّا لَمَرْدُودُونَ فِي الْحَافِرَةِ އެއުރެން ބުނެތެވެ. އިހުއުޅުނު ދުނިޔޭގެ ދިރިއުޅުމަށް، އަލުން ރައްދުކުރައްވާނޭ ބަޔަކު ކަމުގައި ހަމަކަށަވަރުން، ތިމަންމެން ވާނޭހެއްޔެވެ؟
﴿١١﴾ أَإِذَا كُنَّا عِظَامًا نَّخِرَةً ފީވެ، އަޅިޔަށްވެފައިވާ ކަށިތަކެއް ކަމުގައި، ތިމަންމެން ވުމަށްފަހުގައިވެސް ހެއްޔެވެ؟
﴿١٢﴾ قَالُوا تِلْكَ إِذًا كَرَّةٌ خَاسِرَةٌ އެއުރެން ބުނޫއެވެ. އެހެންވިއްޔާ އެއީ، ގެއްލެނިވެގެންވާ އެނބުރި ދިޔުމެކެވެ.
﴿١٣﴾ فَإِنَّمَا هِيَ زَجْرَةٌ وَاحِدَةٌ ފަހެ، އެކަންތައްވާކަން ކަށަވަރީ، އެންމެ ފުމެލެއްވުމެއްގެ އަޑު ކަމުގައެވެ.
﴿١٤﴾ فَإِذَا هُم بِالسَّاهِرَةِ ފަހެ، އެހާރުން އެންމެން ތިބޭހުށީ، އަލުން ދިރި، މަޙްޝަރު ބިމުގައެވެ.
﴿١٥﴾ هَلْ أَتَاكَ حَدِيثُ مُوسَىٰ މޫސާގެފާނުގެ ވާހަކަ ކަލޭގެފާނާ ހަމަޔަށް އައިސްފައިވޭތޯއެވެ؟
﴿١٦﴾ إِذْ نَادَاهُ رَبُّهُ بِالْوَادِ الْمُقَدَّسِ طُوًى ޠުވާއޭ ކިޔުނު މުޤައްދަސް ވާދީގައި ހުންނަވަނިކޮށް، އެކަލޭގެފާނުގެ ވެރިރަސްކަލާނގެ، އެކަލޭގެފާނަށް ނިދާ އިއްވެވި ހިނދެވެ.
﴿١٧﴾ اذْهَبْ إِلَىٰ فِرْعَوْنَ إِنَّهُ طَغَىٰ ފިރްޢައުނުގެ ގާތަށް ކަލޭގެފާނު ވަޑައިގަންނަވާށެވެ! ހަމަކަށަވަރުން، ފުރެދުމުގައި އޭނާ ހައްދުފަހަނަޅައި ހިނގައްޖެއެވެ.
﴿١٨﴾ فَقُلْ هَل لَّكَ إِلَىٰ أَن تَزَكَّىٰ އަދި ކަލޭގެފާނު (އޭނާޔަށް) ވިދާޅުވާށެވެ! ކާފިރުކަމުން ޠާހިރު ވެގަތުމަށް ކަލޭ އެދެމުހެއްޔެވެ؟
﴿١٩﴾ وَأَهْدِيَكَ إِلَىٰ رَبِّكَ فَتَخْشَىٰ އަދި ކަލޭގެ ވެރިރަސްކަލާނގެ ޙަޟްރަތަށް އަހުރެން މަގު ދެއްކުމަށްވެސް މެއެވެ. އެއީ (އެކަލާނގެއަށް) ކަލޭ ބިރުވެތިވުމަށްޓަކައެވެ.
﴿٢٠﴾ فَأَرَاهُ الْآيَةَ الْكُبْرَىٰ ފަހެ، އެކަލޭގެފާނު، އޭނާޔަށް ބޮޑުވެގެންވާ މުޢުޖިޒާ ދެއްކެވިއެވެ.
﴿٢١﴾ فَكَذَّبَ وَعَصَىٰ ފަހެ، އޭނާ ދޮގުކުރިއެވެ. އަދި އުރެދުނެވެ.
﴿٢٢﴾ ثُمَّ أَدْبَرَ يَسْعَىٰ ދެން އޭނާ އެނބުރި، ފުރަގަސްދީ (ދެކޮޅުވެރިކަމުގެ) މަސައްކަތް ކުރަންފެށިއެވެ.
﴿٢٣﴾ فَحَشَرَ فَنَادَىٰ ފަހެ، (އޭނާގެ ލަޝްކަރު) އެއްކުޅައެވެ. އަދި ގޮވައިލިއެވެ.
﴿٢٤﴾ فَقَالَ أَنَا رَبُّكُمُ الْأَعْلَىٰ ފަހެ، އޭނާ ބުންޏެވެ. ތިމަންނާއީ، ތިޔަބައިމީހުންގެ އެންމެ މަތިވެރިވެގެންވާ ކަލާނގެއެވެ.
﴿٢٥﴾ فَأَخَذَهُ اللَّهُ نَكَالَ الْآخِرَةِ وَالْأُولَىٰ ދެން އާޚިރަތާއި، ދުނިޔޭގެ ޢުޤޫބާތެއްގެ ގޮތުން ﷲ އޭނާ ހިއްޕެވިއެވެ.
﴿٢٦﴾ إِنَّ فِي ذَٰلِكَ لَعِبْرَةً لِّمَن يَخْشَىٰ ބިރުވެތިވާ މީހަކަށް ހަމަކަށަވަރުން، އެކަމުގައި ޢިބްރަތެއްވާކަން ކަށަވަރެވެ.
﴿٢٧﴾ أَأَنتُمْ أَشَدُّ خَلْقًا أَمِ السَّمَاءُ ۚ بَنَاهَا ހެއްދެވުމުގައި އުނދަގޫކަންބޮޑީ، ތިޔަބައިމީހުން ހެއްޔެވެ؟ ނުވަތަ އުޑު ހެއްޔެވެ؟ އެ އުޑު ބިނާކުރެއްވީ އެކަލާނގެއެވެ.
﴿٢٨﴾ رَفَعَ سَمْكَهَا فَسَوَّاهَا އެކަލާނގެ އެ އުޑުގެ ބިނާ އުފުއްލެވިއެވެ. ދެން އެ އުޑު ފުރިހަމަކުރެއްވިއެވެ.
﴿٢٩﴾ وَأَغْطَشَ لَيْلَهَا وَأَخْرَجَ ضُحَاهَا އަދި އެ އުޑުގެ ރޭގަނޑު އަނދިރިކުރެއްވިއެވެ. އަދި އެ އުޑުގެ ދުވާލު ފާޅުކުރެއްވިއެވެ.
﴿٣٠﴾ وَالْأَرْضَ بَعْدَ ذَٰلِكَ دَحَاهَا އެއަށްފަހު، ބިން ފެތުރުއްވިއެވެ.
﴿٣١﴾ أَخْرَجَ مِنْهَا مَاءَهَا وَمَرْعَاهَا އެ ބިމުގެ ފެނާއި، ފަތްޕިލާވެލި، އެ ބިމުން ނެރުއްވިއެވެ.
﴿٣٢﴾ وَالْجِبَالَ أَرْسَاهَا އަދި ފަރުބަދަތައް (އެ ބިމުގައި) ހަރުލެއްވިއެވެ.
﴿٣٣﴾ مَتَاعًا لَّكُمْ وَلِأَنْعَامِكُمْ (އެއީ) ތިޔަބައިމީހުންނަށާއި، ތިޔަބައިމީހުންގެ ނަޢަމް ސޫފިތަކަށް ދިރިއުޅުމުގެ ވަގުތީ އުފަލެއްގެ ގޮތުގައެވެ.
﴿٣٤﴾ فَإِذَا جَاءَتِ الطَّامَّةُ الْكُبْرَىٰ ފަހެ، ބޮޑުވެގެންވާ ކަންތައްގަނޑު އަންނަހިނދެވެ. (އެބަހީ: ޤިޔާމަތް ދުވަސް އަންނަހިނދެވެ.)
﴿٣٥﴾ يَوْمَ يَتَذَكَّرُ الْإِنسَانُ مَا سَعَىٰ އިންސާނާ ކުޅަހާ ކަމެއް، ހަނދުމަވާ ދުވަހެވެ.
﴿٣٦﴾ وَبُرِّزَتِ الْجَحِيمُ لِمَن يَرَىٰ އަދި ދެކޭމީހަކަށް ނަރަކަ ފާޅުކުރައްވާނެތެވެ.
﴿٣٧﴾ فَأَمَّا مَن طَغَىٰ ފަހެ، ފުރެދުމުގައި ހައްދުފަހަނަޅައި، އަދި ދުނިޔޭގެ ދިރިއުޅުމަށް އިސްކަންދިން މީހާ ދަންނާށެވެ!
﴿٣٨﴾ وَآثَرَ الْحَيَاةَ الدُّنْيَا ފަހެ، ފުރެދުމުގައި ހައްދުފަހަނަޅައި، އަދި ދުނިޔޭގެ ދިރިއުޅުމަށް އިސްކަންދިން މީހާ ދަންނާށެވެ!
﴿٣٩﴾ فَإِنَّ الْجَحِيمَ هِيَ الْمَأْوَىٰ ފަހެ، ހަމަކަށަވަރުން، އެމީހާ އުޅޭނެ ތަނަކީ، ނަރަކަޔެވެ.
﴿٤٠﴾ وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ އަދި އެމީހާގެ ވެރިރަސްކަލާނގެ ޙަޟްރަތުގައި ހުންނަންޖެހޭ ހުރުމަށް ބިރުވެތިވެ، އެމީހެއްގެ ނަފްސު އަމިއްލަ އެދުންތަކުން ދުރުކޮށްފިމީހާ ދަންނާށެވެ!
﴿٤١﴾ فَإِنَّ الْجَنَّةَ هِيَ الْمَأْوَىٰ ފަހެ، ހަމަކަށަވަރުން، އެމީހާ އުޅޭނެ ތަނަކީ، ސުވަރުގެއެވެ.
﴿٤٢﴾ يَسْأَلُونَكَ عَنِ السَّاعَةِ أَيَّانَ مُرْسَاهَا ޤިޔާމަތުގެ ވަޤުތު އަންނާނީ ކޮންއިރަކުންކަމާމެދު އެއުރެން ކަލޭގެފާނާ ސުއާލު ކުރެތެވެ.
﴿٤٣﴾ فِيمَ أَنتَ مِن ذِكْرَاهَا އެކަން ބަޔާން ކޮށްދެއްވުމަކީ، ކަލޭގެފާނަށް (ކުރެއްވެން) އޮތްކަމެއްތޯއެވެ؟
﴿٤٤﴾ إِلَىٰ رَبِّكَ مُنتَهَاهَا އެކަން ދެނެވޮޑިގަތުންވަނީ، ހަމައެކަނި، ކަލޭގެފާނުގެ ވެރިރަސްކަލާނގެއަށެވެ.
﴿٤٥﴾ إِنَّمَا أَنتَ مُنذِرُ مَن يَخْشَاهَا ކަލޭގެފާނުވާކަން ކަށަވަރީ، އެދުވަހަށް ބިރުވެތިވާ މީހަކަށް އިންޛާރު ކުރައްވާ ބޭކަލަކު ކަމުގައެވެ.
﴿٤٦﴾ كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا އެއުރެން އެކަންތައް ދެކޭދުވަހު، ހަވީރެއް، ނުވަތަ ހެނދުނެއްގައި މެނުވީ، އެއުރެން ލަސްވެ ނުތިބޭކަހަލައެވެ.
ފަހަތަށް **************************** ކުރިއަށް
މުދަލު ޒަކާތުގެ ނިޞާބު: 7241.15ރ
ދިވެހިބަހުން ލިޔެ ސްކޭންކޮށްފައިވާ އިމޭޖެއް ލިޔުންކޮޅަކަށް ބަދަލުކޮށްލަން ބޭނުންފުޅުތޯ؟ ދިވެހި އޯ.ސީ.އާރު ޓޫލް މިހާރު ދިވެހި.އެމްވީގައި!
އަޖުމަ ބެއްލެވުމަށް މިތަނަށް ކްލިކް ކޮށްލައްވާ!
ދިވެހި ކަލަންޑަރު އެޕްލިކޭޝަން މިހާރު ޕްލޭސްޓޯރުން ލިބެން އެބަހުރި
އަޖުމަ ބެއްލެވުމަށް މިތަނަށް ކްލިކް ކޮށްލައްވާ!
ނަމާދު ވަޤުތު (22-09-2023)
އިމްސާކް04:23  
ފަތިސް04:43  
އިރުއަރާ05:54  
މެންދުރު12:03  
އަޞްރު15:07  
މަޣްރިބް18:04  
ޢިޝާ19:15  
ދިވެހިރާއްޖޭގެ ނަމާދު ވަޤުތު »
ކަލަންޑަރު (22-09-2023) ދިވެހިރާއްޖޭގެ ކަލަންޑަރު »
މޫސުން (22-09-2023)
ރަށް ފިނިހޫނުމިން މިއަދު މާދަމާ
ކ. މާލެ 29°C
ގދ. ކާނޑެއްދޫ 27°C
ލ. ކައްދޫ 28°C
ހދ. ހަނިމާދޫ 28°C
ސ. ގަން 27°C
ދިވެހިރާއްޖޭގެ މޫސުން »
ފައިސާ (22-09-2023)
  ބޭންކް ފައިސާ ގަންނަ ވިއްކާ
MIB USD 15.37 15.42
BML USD 15.00 15.42
MCB USD 15.40 15.42
BOC USD 15.40 15.42
HSBC USD 15.00 15.42
SBI USD 15.28 15.42
HBL USD 15.41 15.42
ދިވެހި ފައިސާ »
© 2013 - 2023 ދިވެހި(ޑޮޓް)އެމްވީގެ ފިކުރީމުދާ