|
|
|
|
﴿١﴾ هَلْ أَتَاكَ حَدِيثُ الْغَاشِيَةِ |
ބިރުވެރިކަމާއިގެން އެންމެންނަށް ކުރިމަތިވެގެންއަންނާނޭ ކަންތަކުގެ ވާހަކަ(އެބަހީ: ޤިޔާމަތުގެ ވާހަކަ) ކަލޭގެފާނާ ހަމަޔަށް އައިސްފައިވޭތޯއެވެ؟ |
|
﴿٢﴾ وُجُوهٌ يَوْمَئِذٍ خَاشِعَةٌ |
އެދުވަހުން، ދެރަވެ ނިކަމެތިވެގެންވާ މޫނުތަކެއް ވެއެވެ. |
|
﴿٣﴾ عَامِلَةٌ نَّاصِبَةٌ |
މަސައްކަތްތެރި، ވަރުބަލި މޫނުތަކެކެވެ. |
|
﴿٤﴾ تَصْلَىٰ نَارًا حَامِيَةً |
ހޫނުކަން ގަދަވެގެންވާ ނަރަކަޔަށް އެއުރެން ވަންނާނެތެވެ. |
|
﴿٥﴾ تُسْقَىٰ مِنْ عَيْنٍ آنِيَةٍ |
ހޫނުކަން ނިހާޔަތަށް ގޮސްފައިވާ ފެންއާރަކުން އެއުރެންނަށް ބޯންދެއްވާނެތެވެ. |
|
﴿٦﴾ لَّيْسَ لَهُمْ طَعَامٌ إِلَّا مِن ضَرِيعٍ |
ކަށިހުރި، ވިހަ މޭވާޔަކުން މެނުވީ، އެއުރެންނަކަށް ކާނާއެއް ނުވެއެވެ. |
|
﴿٧﴾ لَّا يُسْمِنُ وَلَا يُغْنِي مِن جُوعٍ |
(އެ ކެއުމަކުން) ހަށިގަނޑަކަށް ބާރެއް ނުދޭނެތެވެ. އަދި ބަނޑުހައި ހޫނުކަން ފިލުވައެއް ނުމެދޭނޭމެއެވެ. |
|
﴿٨﴾ وُجُوهٌ يَوْمَئِذٍ نَّاعِمَةٌ |
އެދުވަހުން ނިޢުމަތް ލިބިގެންވާ، އުފާވެރި މޫނުތަކެއް ވެއެވެ. |
|
﴿٩﴾ لِّسَعْيِهَا رَاضِيَةٌ |
ދުނިޔޭގައި އެއުރެންކުޅަ މަސައްކަތަށް ރުހިގެންވެއެވެ. |
|
﴿١٠﴾ فِي جَنَّةٍ عَالِيَةٍ |
މަތިވެރިވެގެންވާ ސުވަރުގޭގައެވެ. |
|
﴿١١﴾ لَّا تَسْمَعُ فِيهَا لَاغِيَةً |
(ގެއްލުންދެނިވި) ބޭކާރު ވާހަކައެއް، އެތާނގައި އެއުރެން ނާހާނެތެވެ. |
|
﴿١٢﴾ فِيهَا عَيْنٌ جَارِيَةٌ |
ހިނގަހިނގާ ހުންނަ ފެންއާރެއް އެތާނގައިވެއެވެ. |
|
﴿١٣﴾ فِيهَا سُرُرٌ مَّرْفُوعَةٌ |
އުފުލިގެންވާ ދާންތައް އެތާނގައިވެއެވެ. |
|
﴿١٤﴾ وَأَكْوَابٌ مَّوْضُوعَةٌ |
އަދި ބެހެއްޓިގެންވާ ތަށިތައްވެސްމެއެވެ. |
|
﴿١٥﴾ وَنَمَارِقُ مَصْفُوفَةٌ |
އަދި އެތުރިގެންވާ ބާލީސްތައްވެސްމެއެވެ. |
|
﴿١٦﴾ وَزَرَابِيُّ مَبْثُوثَةٌ |
އަދި ފެތުރިގެންވާ ދޫލަތައްވެސްމެއެވެ. |
|
﴿١٧﴾ أَفَلَا يَنظُرُونَ إِلَى الْإِبِلِ كَيْفَ خُلِقَتْ |
ފަހެ، ޖަމަލު ހައްދަވާފައިވަނީ، ކޮންފަދައަކުން ކަމާމެދު އެއުރެން ޖަމަލަށް ނުބަލަނީހެއްޔެވެ. |
|
﴿١٨﴾ وَإِلَى السَّمَاءِ كَيْفَ رُفِعَتْ |
އަދި އުޑު އުފުއްލަވާފައިވަނީ، ކޮންފަދައަކުން ކަމާމެދު އެއުރެން އުޑަށް ނުބަލަނީހެއްޔެވެ؟ |
|
﴿١٩﴾ وَإِلَى الْجِبَالِ كَيْفَ نُصِبَتْ |
އަދި ފަރުބަދަތައް ކޮޅަށް ނަންގަވާފައިވަނީ، ކޮންފަދައަކުން ކަމާމެދު އެއުރެން ފަރުބަދަތަކަށް ނުބަލަނީހެއްޔެވެ؟ |
|
﴿٢٠﴾ وَإِلَى الْأَرْضِ كَيْفَ سُطِحَتْ |
އަދި ބިން ފަތުރުއްވާފައިވަނީ، ކޮންފަދައަކުން ކަމާމެދު އެއުރެން ބިމަށް ނުބަލަނީހެއްޔެވެ؟ |
|
﴿٢١﴾ فَذَكِّرْ إِنَّمَا أَنتَ مُذَكِّرٌ |
ފަހެ، ކަލޭގެފާނު (އެއުރެންނަށް) ހަނދުމަކޮށް ދެއްވާށެވެ! ކަލޭގެފާނު ވާކަން ކަށަވަރީ، ހަނދުމަކޮށްދެއްވާ ބޭކަލަކު ކަމުގައެވެ. |
|
﴿٢٢﴾ لَّسْتَ عَلَيْهِم بِمُصَيْطِرٍ |
އެއުރެންގެ މައްޗަށް ބާރު ހިންގަވާ ބޭކަލަކު ކަމުގައި ކަލޭގެފާނު ނުވެއެވެ. |
|
﴿٢٣﴾ إِلَّا مَن تَوَلَّىٰ وَكَفَرَ |
ފުރަގަސްދީ، ކާފިރުވި މީހަކަށް މެނުވީއެވެ. |
|
﴿٢٤﴾ فَيُعَذِّبُهُ اللَّهُ الْعَذَابَ الْأَكْبَرَ |
ފަހެ، ﷲ، އެމީހަކަށް ބޮޑުވެގެންވާ ޢަޛާބުން ޢަޛާބު ދެއްވާނެތެވެ. |
|
﴿٢٥﴾ إِنَّ إِلَيْنَا إِيَابَهُمْ |
ހަމަކަށަވަރުން، އެއުރެން އެނބުރި އައުންވަނީ، ތިމަންރަސްކަލާނގެ ޙަޟްރަތަށެވެ. |
|
﴿٢٦﴾ ثُمَّ إِنَّ عَلَيْنَا حِسَابَهُم |
ދެން އެއުރެންގެ ޙިސާބު ބެއްލެވުން ވަނީވެސް، ހަމަކަށަވަރުން، ތިމަންރަސްކަލާނގެއަށެވެ. |
|
މައި ސަފުހާ
ދިވެހިބަހުން ލިޔެ ސްކޭންކޮށްފައިވާ އިމޭޖެއް ލިޔުންކޮޅަކަށް ބަދަލުކޮށްލަން ބޭނުންފުޅުތޯ؟ ދިވެހި އޯ.ސީ.އާރު ޓޫލް މިހާރު ދިވެހި.އެމްވީގައި!
